May ara sang kaso may kaangtanan sa illegal nga droga kag pagpangawat ang mga suspeks nga nag sulod sa Gaisano- Guanco Mall kag nag kuha sang gina bulubanta 10 million worth nga mga alahas sa Aljun jewelry store sang damlag lang.
Gin pahayag ni PSupt. Jonathan Pablito nga ila pa gina check ang dugang nga background sang mga suspeks apang base sa ila pagpangusisa nga may mga kaso ini sa bahin sang Luzon kag Visayas.
Indi pa man matul-id sang kapulisan kun ini isa ka organisado nga grupo ukon indi.
Sa imbestigasyon sang Police Precinct number 1 nga unq ini sila nag check in sa City Corporate Inn nga katupad sang Gaisano Guanco.
Una ila gin kutkot ang pader apang bangud sa kadamulon kag sa gahod nga matuga, nag ilis sila sang plano.
Ikaduha nga plano nga ini sila nag saka sa rooftop, nangalihid kag gin utod ang pila ka mga barbed wire kag nag lumpat gikan sa 5th floor sang City Corporate inn kag nag tupa sa 4th floor sang Gaisano guanco nga gina kay-ad subong.
Didto sila nag himo sang magamay nga buho kag nag higot sang lubid para magserbe nga daw bagging kag nagpadalus-os sang 10 to 12 ft kag nag kanang panaog sa 1st floor kun diin napa hamtang ang Aljun Jewelry store kag ini gin kuha ang sub standard nga Volt kag gin kuha ang gin deklarar sang tag iya nga Chinese national nga worth 10 million pesos
