Roxas City, Capiz- Dako ang tsansa nga makuha sang Barangay Milibili ang kampeonato sa Lupong Tagapamayapa Incentive Awards subong nga tuig sang DILG.
Suno kay Assistant Regional Director Vivian Suansing, ini bangod nga nangin hall of famer na ang hugot nga karibal sang Milibili nga barangay nga naghalin sa Laoag City.
Samtang suno naman kay Roxas City DILG Officer Mr. Joey Roldan, panigurado na nga may yara sang lugar ang Milibili bangod man sa paghanda nga ila ginhimo para sa evaluation.
Kahapon personal man nga nagpadulong si Roxas City Mayor Alan Celino agud maghatag sang moral support kay Punong Barangay Midelo Ocampo sa pagpaidalom sa amo nga barangay sa Lupong Tagapamayapa Incentive Award National Evaluation.
Suno pa sa alkalde nagalaom ini nga mangin national champion ang amo nga barangay kag ginakabig sini nga bugal sang syudad sang Roxas nga maayo ang pagdumala sang Lupong Tagapamayapa sa amo nga barangay.
Samtang gina-ekspektar nga sa bulan sang Oktubre igapatigayon ang awarding sa Metro Manila.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
