May yara sang ginabaligya nga imported nga karne sa TATC- City Vet

48

Roxas City, Capiz – Gin-ako ni City Veterinrian Dr Roberto Dante Corros nga may yara sang imported nga karne sang baboy nga ginabaligya sa Teodoro Arcenas Trade Center(TATC). Apang ginpaathag ni Corros nga base sa memorandum halin sa Animal Quarantine Industry, ang karne sang baboy nga ginabawal amo gid lamang ang naghalin sa mga rehiyon kag pungsod nga apektado sang ASF(African swine Fever). Suno pa diri ang mga apektado nga pungsod nga gin-igo sang ASF amo ang mga pungsod sang China, Russia France kag Latvia. Sa pihak nga bahin, ginpahayag ni Dr Corros nga may yara sang nagakaigo nga dokumento ang imported nga karne sang baboy nga ginabaligya sa TATC.
Suno pa kay Corros naghalin ini sa pungsod India kag nag-agi sa port of Cebu.
Gindugang ni Corros nga nakasulod sa Capiz ang amo nga karne sang baboy bangud wala naman nalakip ang pungsod India sa lista sang mga nasyon nga apektado sang ASF.
Suno pa kay Corros nga may yara sang meat inspection certificate ang amo nga karne kag may yara man sang transport certificate.

Facebook Comments

From Advertisers