Sa nagpapatuloy na pag-aalburoto ng Bulkang Mayon, naitala ang insidente ng pagbuga kaninang umaga.
Kung saan dalawang beses na nagbuga ng abo ang bulkan alas-8:21 at alas-8:27 kaninang umaga.
Ayon sa Philippine Institute of Volcanology and Seismology (PHIVOLCS), aabot sa 50 metro ang taas ng naibugang abo at napapadpad kanluran-timog-kanluran.
Samantala, nakapagtala ang PHIVOLCS ng 352 na rockfall events at siyam na Pyroclastic Density Current o Uson ng Bulkang Mayon sa loob ng 24 oras.
Bukod pa rito, namataan din ang pagdaloy ng lava sa mga gullies ng bulkan kabilang ang Basud, Bonga, Mi-isi.
Samantala, nasa 3749 na tonelada ng sulfur dioxide o asupre ang naibuga ng bulkan.
Nananatili pa rin sa Alert Level 3 ang Mayon Volcano kung saan ipinagbabawal ang pagpasok sa 6-kilometer permanent danger zone.
