Ginakasubo ni Mayor Alex Centena ang ginpaguwa nga desisyon sang Sandigan Bayan nga 90-days suspension kag sa 9 ka iban pa angut sa fertrilizer scam nga ila ginapangatubang.
Suno kay Mayor Centena nga masubo paminsaron nga amo pa sini ang ila madangatan apesar sang ila husto nga pagserbisyo sa banwa.
Sa pihak sini, ginpahayag ni Centena nga wala sila sang mahimo kundi atubangon kag batunon ang nasambit nga desisyon.
Subong man, ginpanindugan sang alkalde nga wala nila gin-corrupt ang nasambit nga proyekto.
Ginhimo ni Centena ang pahayag matapos naguwa ang desisyon sang Sandigan Bayan nga nagasuspender sa iya sang 90 ka adlaw kaupod sanday anay Municipal treasurer Valentin Sobretodo; anay Municipal Accountant Meriam Celeste; anay Municipal agriculturist Crispino Castro; anay Municipal supply Officer Jose Rex Casipe; kag anay BAC members Melanie Hilario, Rhoda Lyn Panizales, Jose Edeso bEnriquez kag Anna Lerio Caspillo.
