Midsalip, Zamboanga del Sur – Nakugang ang Mayor sa Midsalip, Zamboanga del Sur human naapil ang iyang pangalan sa narcolist dihang wala man matud pa kini ilitok ug i-mention ni Pamuno Nasod Rodrigro Duterte atol sa pagbulgar niini niadtong huwebes sa gabii.
Apan aminado ang Mayor sa Midsalip nga si Leonida Angcap nga nalakip ang iyang pangalan niadtong niaging tuig apan nisumitar na siya og mga dokumento sa mga lain-aling ahensya aron hinluan ang iyang pangalan.
Gidugang ni Angcap nga mismong si Psupt. Jovie Espinido ang mivalidate kaniya, dako ang pagtoo sa Mayor nga ang rason sa iyang pagkalambigit mao ang pagbisita kaniadto ni Missamis Occidental Board Member Ricardo Ardot Parojinog niadtong nakalabay nga katuigan ug nakig-transaksyon kini kaniya nga mo-abli og mina sa lungsod sa Midsalip apan wala molungtad ang ilang gisabutan.
Gibutyag usab niini nga posibleng kaatbang sa politika nga retiradong opisyal sa Philippine National Police ang naglink kaniya pinaagi fabricated nga isyu batok kaniya.
Ang ikatulo nga rason nga gipaambit ni Angcap mao ang pagrenta sa negosyanteng intsik sa iyang panimalay niadtong niaging tuig ug gihimong opisena sa mining company diin giakusa sa iyang mga kontra nga gihimong shabu laboratory ang iyang pwestong gipa-abangan.
Kampante si Angcap nga dili siya guilty sa maong alegasyon og abli siya sa imbestigasyon nga himoon ni bisan kinsang opesyal sa gobyeno.
