Mayor Baste: Culture of security, i-obserba sa KADAYAWAN 2023

Davao City – Giawhag ni Davao City Mayor Sebastian “Baste” Duterte ang publiko sa pag-obserba sa ‘Culture of Security’ campaign nga ginapatuman sa City Government of Davao, ilabi na sa umaabot nga Kadayawan Festival 2023.

Atol sa State of City Address (SOCA) ni Mayor Baste kagahapon, July 28, 2023, iyang gipasabot nga importante nga mabatasan sa katawhan ang paghimong alerto pinaagi sa pag-report sa mga kadudahang indibidwal o butang sa palibot.

“I want to take this opportunity to remind you of the culture of security especially now nga fast approaching ang Kadayawan nato. So, pag may nakita, dapat magsalita. Himuon gyud nato ‘ning kultura sa atoang dakbayan kay ngano man? Dili lang gud ‘ta magkumpyansa. It’s better to be safe than sorry,” pamahayag sa alkalde.

Sa Agosto 10, 2023 mao ang Pag-abli sa Kadayawan ug nakalinyada usab ang daghanan pang aktibidad hangtud sa Agosto 20, 2023. Samtang usa sa highlight events mao ang Indak-Indak sa Kadayawan nga himuon sa Agosto 19.

RadyoMaN Kirby Manzon