Davao City – Nagpasalamat daan si Davao City Mayor Sebastian ‘Baste’ Duterte sa government employees nga magsilbing agents sa Davao City Contact Center kun DCCC.
Kini subay sa iyang giluwatang mensahe atol sa inagurasyon sa nasangpit nga center nga gilusad adlawng Huwebes, Abril 13, dinhi sa siyudad sa Dabaw.
Ang DCCC gimongtar aron mutubag sa mga pangutana, reklamo, diskusyon ug uban pa’ng pagpatin-aw nga kinahanglan sa Dabawenyos ingon man mga namuyo sa syudad.
Segun sa Mayor nga mukabat na og 1.6 milyon ang mga residente sa siyudad ug ubay-ubay ang mga problema ug reklamo na ginadawat sa iyang opisina kada-adlaw.
Tungod niini, gimugna ang DCCC aron mapaminawan ang mga mulo sa katawhan ug mahatagan kini og solusyon.
Precious Ann R. Arcena, Davao del Norte State College – BACOMM Intern
Facebook Comments
