Davao City – Gipangunahan ni Davao City Mayor Sebastian ‘Baste’ Duterte, ang Send Off Ceremony sa Security Cluster nga magbantay sa Kadayawan Festival 2023 nga gipahigayon sa Davao City Police Office (DCPO) ground kagahapon.
Gibutyag ni DCPO Spokesperson Police Captain Hazel Tuazon, kapin 10K ka mga pulis ang maghatag og seguridad sa tanang aktibidad sa Kadayawan Festival karong bulana.
Sigun ni Tuazon, sa matag adlaw magpakatag ang security cluster og gatusan ka pulis sa venue sa mga kalihukan apan depende sa panginahanglanon.
Sa Indak-Indak sa kadalanan sa Agusto 19 ug Pamulak Festival sa Agusto 20, mokapin 2K ka mga personahe ang ipakatag sa maong mga adlawa, matud ni Tuazon.
Muabag usab sa pagbantay, ang ubang mga Law Enforcement Agencies, Task Force Davao, 10th Infantry Division Philippine Army ug Force multipliers.
RadyoMaN Joel Viray
Facebook Comments
