Davao City – Gihangyo karon ni Davao City Mayor Sebastian ‘Baste’ Duterte, ang Davao City Police Office og extra effort diha sa hisgutanang seguridad, aron luwas ang usa ka bulan nga selebrasyon sa Kadayawan Festival 2023.
Gipatutokan pag-ayo sa Mayor, ang segurodad pinaagi sa pagdoble og paningkamot sa mga pulis nga bantayan ang tibuok syudad ug ang katawhan batok sa dautang panghitabo sama sa pagpamomba ug uban pang krimen sa panahon sa Kadayawan Festival.
Giingon pa sa Mayor, dili buot niini nga adunay mga insidente atol sa aktibidad sama sa Indak-Indak ug Pamulak Festival sa Agusto 19 ug 20 ning tuiga.
Atol sa Send Off Ceremony sa Security Cluster nga gihimo sulod sa Davao City Police Office kagahapon sa hapon gisulti sa alkalde, nasabtan niini nga wa’y perpekto sa preparasyon, apan kinahanglan doblehon sa mga awtoridad ang ilang pagbantay sa sitwasyon sa mga aktibidad sa Kadayawan Festival 2023.
RadyoMaN Joel Viray
Facebook Comments
