Atol sa pagbisita ni Mayor Baste sa haya ni PCpl Corsino ug pag-atubang sa pamilya, gisulti niini nga magpahigayon kini og mas lawom pang imbistigasyon, aron masayran gayod niini ang ugat hinungdan nganong misangko sa brutal nga pagpatay sa duha ka pulis ang ilang pagresponde sa Barangay Lacson.
Segun ni Police Officer Sharon Corsino igsoon ni PCpl Corsino, nasuko si Mayor Baste samtang gisud-ong niini ang haya ni Corsino ug makita sa mga samad tinigbasan sa nawong ang mangilngig nga gidangatan sa maong pulis gikan sa mga kamot nila Landas ug Masacay.
Dol-an usa ka oras ang pag-istar sa Mayor sa haya sa maong pulis ug pagkahuman mitunol og financial assistance ngadto sa pamilya ug gilayon mibiya sa panimalay sa mga Corsino sa Bago Oshiro, Mintal, dakbayan sa Davao.
RdyoMan Joel Viray
