Sumala sa Mayor, samtang wala pa kabalik og tukod sa ilang balay andam ang lokal nga panggamhanan sa syudad nga mohatag sa mga panginahanglanon sa mga pamilya naapektohan sa sunog.
“Kung unsay inyong panginahanglan pagpahibalo mo sa amoa para makahibawo mi unsay panginahanglan ninyo diri”,sulti sa mayor.
Human sa pagbisita ni Mayor Baste, gihatag ang mga hinabang gikan sa City Government of Davao sama sa grocery packs, mineral water ug mga water jug ug nitunol usab og dugang tabang si Davao City 1st District Congressman Paulo ‘Pulong’ Duterte.
Base sa datos sa Central Fire Station, 35 ka balay ang nasunog sa tulo ka Purok nga mao ang Purok 5, Purok 6 ug Purok 6-A, diin kapin 200 ka pamilya ug 734 ka mga individual subay sa validation sa City Social Welfare Delopment Office (CSWDO).
RadyoMaN Don Pulayao
