Mayor Baste mihangyo sa National Government og suporta sa Waste to Energy Project sa Davao

Davao City – Miapelar si Davao City Mayor Sebastian ‘Baste’ Duterte sa nasudnong gobyerno nga suportahan ang Waste to Energy Project, aron matigayon na ang maong proyekto sa syudad sa Davao.

Mihangyo si Mayor Baste sa Marcos Administration og counterpart fund, aron matukod na ang Japanese-Government Supported Waste to Energy inceniration Facility.

Atul sa State of the City Address (SOCA) niadtong biyernes, malaumon si Mayor Baste nga suportahan sa national government, pinaagi sa Department of Environment and Natural Resources (DENR) aron ma-istablisar na ang Waste to Energy (WTE).

Segun sa Mayor, nagpadayag na og tinguha ang gobyerno sa Japan nga motabang sa konstruksiyon sa WTE pinaagi sa paghatag og pundo sa Lokal, apan kinahanglan adunay tugbang ihatag nga pundo ang nasudnong gobyerno.

Niadtong 2022, ang City Council nagpasa og resolusyon aron awhagon si Pangulong Marcos nga maghatag og counterpart nga P3B nga pundo alang sa katukoran sa maong proyekto.

Kung matukod na kini, matag adlaw anaa sa 800 ka toneladang basura, ang masunog ug mahimong enerhiya.

Radyo Joel Viray