Niini, gikalipay sab ni Mayor Baste ang ayuda sama sa hygiene kit, family kit, ug uban pa nga personal gitunol ni Secretary Gatchalian sa kapin libo ka biktima sa sunog sa nasampit nga mga barangay gahapon adlawa.
Unang buenamano sa pagdawat sa ayuda gikan sa Secretary pinaagi sa Office of the Presidential Assistant for Eastern Mindanao (OPAMINE) ang lima ka mga senior citizens sa Barangay 22 nga gisaksihan sa mga opisyal sa barangay ug mga sakop sa City Social Welfare and Development Office.
Una nang gibutyag ni Secretary Gatchalian nga gimandaran kini ni Pangulong Bongbong Marcos nga bisitahon ang mga nasunogan sa dakbayan ug makig-alayon sa lokal nga gobyerno aron pangayuon ang kasayoran kon unsay puwede matabang sa nasudnong gobyerno sa kahimtang sa mga nasunogan.
Dugang saad sa palasyo sa Malakanyang mao ang makanunayon nga pagkoordinar sa kagamhanan lokal kon dunay igadugang pang ayuda mahatag ang gobyerno alang sa mga biktima sa sunog.
Nasuta, nagkita sila Mayor Baste ug si Secretary Rex Gatchalian uban nila Special Assistant to the President Secretary Anton Lagdameo ug Office of the Presidential Assistant for Eastern Mindanao Secretary Leo Magno sa usa ka akomodasyon sa may Quimpo Boulevard kung asa nagpulong ang naasoy nga mga opisyal gahapon adlawa.
RadyoMaN Joel Viray
