Ang nasangpit nga panagtagbo para kini sa pagpalig-on sa koordinasyon, response ug interoperability sa mga security sectors.
Buot usab nga i-maximize sa mga awtoridad ang tanan nilang mga assets silbing pagpakusog pa sa maritime security sa dakbayan sa Davao.
Gitahasan sa mayor ang mga nagkadaiyang nga units nga segurohong walay makalusot nga mga kalaban ug ipabilin ang taas nga alerto para sa safety sa mga Davaoeños.
Ang Davao City Maritime Council (DCMC) gilangkuban sa Philippine Coast Guard, Davao City Police Office, Task Force Davao, TOWEM XI, Eastern Mindanao Command, Naval Forces Eastern Mindanao, National Intelligence Coordinating Agency, Philippine Overseas Employment Administration, Bureau of Customs, City Agriculturist Office, Liga ng mga Barangay sa Pilipinas, Davao Central 911, Public Safety and Security Command Center, Maritime Group XI, Maritime Industry Authority XI, Bureau of Fisheries and Aquatic Resources, Philippine Ports Authority ug Davao City Government.
RadyoMaN Aimee Guinita
