BACOLOD CITY – Ginapahulat pa sa karon sang mga Punong Barangay sang Grupo Progreso kon sin-o nga kapitan ang suportahan ni Bacolod City Mayor Evelio “Bing” Leonardia para sa ABC president.
Ini kasunod nga tubtub sini na lamang nga adlaw ang deadline para sa pag-file sang nomination kag certificate of candidacy sa mga interesado nga magpapili sa Liga ng mga Barangay election sa ciudad sang Bacolod.
Madumduman nga ginpahayag na sadto pa ni Mayor Bing nga indi na siya magpaathag kon ano ang iya mangin rason sa pagpapili sang kandidatu sa pagka-ABC president.
Suno sa alkalde ini agud nga wala na sang may magsunggod pa nga punong barangay nga indi niya mapilian.
Pila sa mga matunog nga pangalan sa karon amu si Kapitan Anjo Ayco sang Barangay 15 kag Kapitan Rosinie Distrito sang Singcang nga utod ni Councilor Caesar Distrito nga magatapos na ang termino sa 2019./dyHB BACOLOD
