Mayor Cagas: Digos flood walay casualty

63

Davao City – Muabot sa 412 ka pamilya o anaa sa 1,772 ka indibidwal ang apektado sa grabeng pagbaha sa Digos City, Davao del Sur kagabii (June 28, 2020).

Sa interbyu sa DXDC RMN Davao kang Digos City Mayor Josef Fortich Cagas, gibutyag niini nga daling gihikling ang nahisgutan sa mga evacuation centers, sa Digos City gym ug Digos City National High School gym.


Apektado’ng mga lugar mao ang Barangay Aplaya, Brgy. Zone 1, Brgy. Dawis, Brgy. Cogon, Brgy. Zone 3, Brgy. San Miguel ug kasikbit nga mga lugar nga gibaha ug nagbaton og pagdahili sa yuta.

“Naa poy nag lanslide kagabii didto sa barangay Binaton tungod sa kusog nga ulan ug ang barangay Kapatagan adunay poy pagbaha didtong dapita kagabii,” butyag ni Cagas.

Matud sa alkalde nga walay natalang ‘casualty’ sa baha samtang mipaabot na usab og tabang ang City Social Welfare and Development Office (CSWDO) sa mga biktima.

Padayon karon ang gihimong Rapid Damage Assessment and Needs Analysis (RDANA) aron masuta ang epekto ug damyos sa grabeng pagbaha sa lugar.

RadyoMaN Kirby Manzon




Facebook Comments