MAYOR CENTENA, GINKALIPAY NGA NADULA NA SIYA SA NARCO-LIST NGA GINLAWAG NI PRESIDENTE RODRIGO DUTERTE.

1150

Ginkalipay ni Mayor Alex Centena sang banwa sang Calinog nga nadula na ang iya ngalan sa Narco-list nga ginlawag ni Presidente Rodrigo Duterte sini lamang nga gab-i (Marso 14) sa Davao City.
Sa interview sang RMN-Iloilo, ginpahayag ni Centena nga nagapasalamat siya nga na-klaro na ang iya ngalan nga una nga nalakip sang 2016 narco-list.
Ginpahayag ni Centena nga napamatud-an niya nga wala siya sang kahilabtanan sa ilegal nga drugha kag sa pagkamatuod, hugot ang iya kampanya kontra druga kon sa diin ginapangadakop nila sa ila banwa ang mga drug users kag pushers.
Bangud sini, nagalaum si Centena nga madula naman ang pangduha-duha sang Calinognon sa iya.
Nahibaluan nga nagapapili liwat si Centena bilang Mayor sang banwa sang Calinog.

Facebook Comments