Pagadian City – Mohatag og reward money ang Pagadian city government sa makatudlo kun asa nahimutang ang pick-up nga gisakyan sa suspetsado nga nipusil patay kang Tiguma. Brgy. Captain Ali Gampong.
Sumala ni Pagadian City Mayor Sammy Co, kun mahimo mohulbot siya gikan mismo sa iyang personal nga bulsa aron makatabang aron matumbok sa suspestsado ug mahagatan og dinalian nga hustisya ang kamatayon sa kapitan.
Mokabat sa 400 mil ang igahin sa kagamhanang lokal sa syudad isip reward sa makahatag og impormasyon.
Sigon pa sa mayor sa syudad nga nakamatikod na matud pa si Kapitan Ali Gampong nga dunay nagsurvillance kaniya busa mihangyo kini nga magmontar og camera duol sa iyang pinuy-anan.
Aminado si Co nga dako nga financer ang nihimo sa krimen.
Mahimuduman nga gipusil patay ang kapitan duol mismo sa iyang tindahan sa National Highway, sa Zone 2, Tiguma, Pagadian City samtang sakay sa Toyota Vios ug base sa kopya sa Closed-Circuit Television (CCTV) Camera sakay ang wala maila nga (gunman) sa Nissan Navarra (color black) nga walay plaka numero diin gamit ang taas nga matang sa armas.
