Gi-aprobahan na sa konseho ang resolusyon pinaagi sa mosyon ni Konsehal Marilou Y. Calibo sa natigayon nga regular sesyon ning bag-ohay palang nga maghatag ug pagtugot ni Mayor Darel Dexter Uy nga makapirma ug kasabutan tali sa tulunghaan sa Andres Bonifacio College nga representahan sa presidente niini nga si Sancho S. Amatong alang sa usa ka On-the-job-Training sa mga magtutunghang mogradwar sa kursong Engineeing.
Kahibaloan nga si Mayor Uy ang uyon nga modawat ug mga student-trainees nga mahatagan ug technical assistance ug bansay-bansay kabahin sa engineering and technologies ubos sa kondisyon nga wala kini employee-employer relationship ug wala’y nahimong obligasyong pinansyal ang kagamhanang local sa dakbayan.
Nasayran nga aduna’y mikabat sa onse(11) ka magtutungha sa Bachelor of Science in Civil Engineering (BSCE), lima ka (5) magtutungha sa Bachelor of Science in Geodetic Engineering (BSGE), tulo (3) ka Bachelor of Science in Mechanical Engineering (BSME) ug tulo (3) usab sa Bachelor of Science in Electrical Engineering (BSEE), kinsa mopahimulos sa maong training.
Nasayran usab nga ang maong kasabutan mao ang maghatag ug opsiyal nga pagtugot sa nasangpit nga mga magtutungha aron makapa-ilawonsa ‘applied academic experience’ dinha sa buhatan sa City Engineering sulod sa 240 ka oras alang sa CE,GE,EE nga mga magtutungha, samtang 120 ka oras usab alang sa mechanical engineering nga mga magtutungha. (CIO)
