Mayor-elect Klarex Uy, nanumpa na!

47

Nanumpa na kagahapon sa buntag adlaw’ng Dominggo si Cagayan de oro City Mayor-elect Rolando “Klarex” Uy.  Ang pagpanumpa ni-ini ang gihimo pinaagi ni Tignapoloan Brgy. Chairman Nancy Aban diha sa Amphi Theater ning syudad.

Si Uy na ang ika-13 nga nahimong mayor karon sa syudad sa Cagayan de Oro human nga nakadaog kini sa nakalabay’ng national ug local elections niadtong Mayo 9 ning tuiga.

Una pa man ni-ini, adunay gipahigayong Misa nga maoy gipangulohan ni Msgr. Perceous Cabunoc sa nasangpit nga venue.


Dayon gipahigayon usab ang press conference sa Movie Lounge sa SM Downtown kung diin gitambongan usab kini mismo ni Mayor-elect Klarex Uy ug mga City Councilors-elect nga silang Ian Mark Nacaya, Girlie Balaba, Jay Roa Pascual, Zusette Daba ug Imee Moreno.

Naa usab sa maong panagpulong si Councilor Inday Dahino.

Facebook Comments