ILOILO City – Gin-authorize sang city council sanday councilors Joshua Alim kag R-Leone Gerochi kaupod kay mayor Jose Espinosa III nga itiglawas ang syudad sa hearing sang committee on franchises sa kongreso.
Ang resolution gindihon ni committee on public utilities head councilor R-Leone Gerochi sa bulig ni councilor ni Ed Peñaredondo.
Suno kay Gerochi dapat pahanugotan ang syudad nga makaduso sang pila ka probisyon sang franchise nga ihatag sa power distributor nga mahatagan sang franchise.
Paathag pa sang konsehal nga dapat mapahanugotan ang syudad nga mag-intervene agud makaduso sang pila ka bagay nga importante para sa mga residente sang syudad.
Nahibaluan nga duha karon ka power distributor ang may pending nga application para sa ila franhcise nga magacover sang bug-os nga syudad.
Ini amo ang MORE minerals kag Panay electric company ukon PECO.// reports via Joel Franco
Photo via IMT
