ILOILO City – Ginatugyan na ni mayor Jose Espinosa III sa city council ang desisyon sa kapalaran sang 2019 proposed budget sang syudad sa balor nga P2.319 billion.
Suno sa alkalde ara sa kamot sang konseho ang pagtuon kag pag scrutinize sang executive budget.
Nagasalig ang alkalde nga mangin reasonable ang city council sa ila himuon nga pagbag-o sa budget.
Pahayag ni Espinosa, tun-an man niya kun bala nagakaigo kag suno sa kasuguan ang mangin tikang sang konseho.
Ini ang sabat sang alkalde sa report nga plano tapyasan sang city council ang 2019 proposed budget ilabi na ang special purpose allocation nga nagdangat sa masobra P 800 million.
Photo from web
Facebook Comments
