Mayor Espinosa ginpanginwala nga ginadelay niya ang sweldo sang mga job hires sang pro- Treñas city councilors

Ginpanginwala ni Mayor Jose Espinosa III nga ginadelay sang syudad ang pagrelease sang sweldo sang mga job hires sang mga konsehal nga identified sa kampo ni Cong. Treñas.

Suno sa alkalde indi siya kaangay sang iban nga kun mag-asta daw mayor man.

Pahayag sang alkalde ginahanda na ang papeles para sa sweldo sang mga empliyado sang mga natungdan.

Ini ang sabat sang alkalde kasunod sang reklamo sang mga konsehal nga kaalyado ni Treñas nga hungod nga ginadelay ang ila sweldo.

Sang nagligad nga session ginpirmahan na ang contract of service sang mga job hire employees sang city council.