ILOILO City – Ihatag ni Mayor Jose Espinosa III sa mga opisyal sang barangay ang kahigayunan nga magdesisyon nga kakason ang mga campaign posters sa ila tagsa ka barangay.
Suno sa alkalde ginahatagan niya sang ligwa ang mga kapitan nga sila na mismo ang magmato-mato sa pagkakas bangud ila man ini nasakupan.
Paathag sang alkalde indi man sya puguso nga klase sang tawo gani ginapatuman niya ang maximum tolerance.
Pahayag ni Espinosa magahulag lang sya kun makita niya nga may pag-abuso na sa bahin sang mga kapitan sa pagpatumbaya lang sang mga nagakabit nga posters sa ila barangay.
Angut sini apilar sang alkalde, mangin responsible na lamang ang tagsa-tagsa sa ila mga personal nga hulag ukon akto.
Ginhimo sang alkalde ang pahayag sa padayun nga paglinapta sang campaign materials sang mga politico sa mga public buildings sa mga barangay sa syudad.
Photo from web
