Nakigkita si Mayor Joe III Espinosa kay Presidente Rodrigo Duterte sa Palasyo sang Malakanyang kahapon.
Ginhimo Ni Espinosa ang pagbisita kay Pangulong Duterte sa Malakanyang pila ka semana matapos magpungko bilang bag-o nga Mayor sang Siyudad kasunod sang pagdismiss sang Ombudsman kay anay Mayor Jed Patrick Mabilog.
Sa nasambit nga pagkitaay nanday Espinosa kag Duterte, personal nga gin-imbitar sang alkalde ang Presidente nga magtambung sa 50th Dinagyang Celebration sa Enero 2018.
Ginhatag sang alkalde ang schedule of Activities sang Dinagyang kay Presidential Special Assistant Bong Go.
Lubos naman ang pasalamat sang kampo sang alkalde sa tion nga ginhatag sang Presidente kay Mayor Espinosa.
