Mayor Francis Zamora, nagpasalamat sa pagkikila ng nasyonal na Pamahalaan sa vaccination drive ng lungsod

31

Nagpaabot ng pasasalamat si San Juan City Mayor Francis Zamora sa nasyonal na pamahalaan matapos kilalanin ni Pangulong Rodrigo Duterte ang COVID-19 vaccination drive ng lungsod.

Matatandaan kahapon, nabanggit ni Pangulong Duterte sa State of the Nation Address o SONA nito ang lungsod ng San Juan dahila sa mabilis na takbo ng pagbibigay ng bakuna ng lungsod laban sa COVID-19.


Ayon kay Mayor Zamora, isa itong mahalagang bagay at magbibigay inspirasyon sa mga residente ng lungsod, lalong-lalo na sa mga medical at non-medical frontliners, at volunteers sa kanilang vaccination program.

Dahil dito aniya, mas bibilisan ng pamahalaang lunsod na makamit ang 70% na mabakunahan laban sa COVID-19 na mga residente nito sa katapusan ng Agosto at mahigitan pa ang 100% target population na kwalipikado ng COVID-19 vaccine.

Facebook Comments