Sirawai- Padayon pa karon ang gihimong imbistigasyon sa kapulisan sa lungsod sa Sirawai ning atong probinsya human nga wala naka uli ang lima ka indibidwal sa ilang tagsa-tagsa ka pamilya.
Kahinumduman, dili palang dugay mga 6:00AM niadtong adlawng sabado, wala na makita sila si Roger Jung-an, 36, menyo; Jomar Maglangit, 26, ulitawo; Reymond Purisima, 14 anyos; Jomar Mantangan 25, menyo; ug si Mario Rosales, 46, ulitawo, tanan pulos kini residente sa Barangay San Nicolas, sakop sa lungsod sa Sirawai.
Dugang pa, pulos kini sila laborer sa maong lugar.
Subay sa imbistigasyon sa kapulisan, ang lima ka indibidwal mi adto kini sa Sitio Maasum, Brgy. San Nicholas aron mamutol ug tablon apan duha nalang kaadlaw kapin wala pa gihapon kini nakauli.
Sa pagkakaron, dili pa sigurado ang mga tinugyanan sa balaod sa maong lungsod kun gidagit aduna ba’y nahitabong pagpangdagit.
Namugna usab ug task force ang Mayor sa Sirawai nga si Gamar Jahinim, gilangkuban kini sa kapulisan sa maong lungsod ug sa 42nd Phil. Army aron mo tabang sa pagtutok ug pag imbistiga aron masayran ang tinuod nga hinungdan sa pagka wala sa lima ka indibidwal.
