TACLOBAN CITY – Ginkakaatubang yana an kaso nga korapsyon han Mayor han San Francisco Southern Leyte ini in may kalabutan han gin-aaligar irregular disbursement han cash advances nga nagkakantidad P393,540.17 dida han tuig 2012.
4 counts han bayolasyon han anti-graft and corrupt practices act an iginsalawad nga kaso han Office of the Ombudsman kan Mayor Samson Gamutan Jr.
Nagtikang ini dida han sumugot daw an alkalde nga ig-release an tulo nga disbursement vouchers para han cash advance han iya private Secretary nga hi Jesus Gamutan.
Apil nga ginkasuhan an Municipal Accountant nga hi Resurreccion Tangso ngan hi Municipal Treasurer Rosenda Bansig.
Nagburubligay daw an uupat para ighatag an kwarta kan Jesus bisan diri ini entitled nga makakarawat hin cash advance kumo non-bonded officer tungod nga pagtalapas ini han balaud han Commission on Audit.
Ginrekomenda naman han Ombudsman an an pyansa nga P30, 000 ha kada kaso han mga akusado.
