Davao City – Walay natalang pagsupak sa balaod trapiko o kasamok si Davao City Mayor Inday Sara Duterte-Carpio sa dihang nagpahigayon kini og roving dinhi sa syudad sa Davao kagabii.
Alas dose sa tungang gabii, uban ang PSG niini, gi-monitor sa alkalde ang dakbayan sa Davao aron susihon ang kahapsay ug kalinaw.
Gi-check sa mayor ang mga nag unang dalan sa syudad pinaagi usab sa mismong pagmaneho niya sa iyang motorsiklo.
Gani nanghinaut karon ang dabawenyong si Louise Carlota nga taga Malvar St. atol sa pakighinabi sa DXDC RMN Davao kaniya nga mapadayon ang alkalde sa pag monitor niini dinhi sa syudad alang usab sa kaayuhan sa mga dabawenyo.
Kahinumduman nga sa mayor pa dinhi sa Davao City ang iyang amahan nga si Presidente Rodrigo Duterte, naga-roving usab kini aron sutaon ang kahimtang sa syudad sa pag-abot sa kagabhion.
RadyoMaN Renz Barbarona
