Davao City – Wala gihapon maagni si Mayor Inday Sara Duterte-Carpio sa resulta sa survey nga usa siya sa botaran sa katawhan sa pagka-senador sa 2019 midterm election.
Subay sa pinakaulahi nga survey migula nga anaa sa ikalima si Mayor Inday nga buot pilion sa mga botante ugali mulansad sa pagka-senador sa 2019 eleksyon.
Apan daw dili interesado ang inahan sa siyudad nga mahimong usa sa mga sunod nga senador sa nasud sunod tuig.
Mas gahi pa sa bato ang barugan sa mayor sa subling pagpapili sa pagkamayor sa siyudad ug gani aduna na kini napili nga running mate sa piniliay sunod tuig.
Apan nagdumili na ang presidential daughter sa pagbutyag sa pangan sa mahimo niyang bise mayor ug tandem sa midterm election.
Hinoon gikumpirmar niini nga magpapili sa pagka-kongresista sa unang distrito si kanhi Bise Mayor Paolo Duterte kontra kang PBA Partylist Congressman Jericho Nograles kinsa igsoon ni 1st District Congressman Karlo Nograles.
RadyoMaN Joel Viray
