Davao City – Subling gipahinumdum ni Davao City Mayor Inday Sara Duterte Carpio ngadto sa mga bag-ong napili nga mga opisyales sa Sangguniang Kabataan ang importansya sa ilang mga ginapahigayong aktibidad sa ilang mga barangay.
Giengganyo sa alkalde ang mga SK nga tabangan ang lokal nga panggamhanan pinaagi sa mga bililhon nga mga proyekto.
“Makalimtan nato e-emphasized ang atoang message nga nagpaliga ta, nagpa-basketball, summer league ta because we want our youth to be busy during summer nga walay klase so that dili sila mapadulong sa DOTA (online video game), dili sila mapadulong sa drugs ug dili sila mapadulong sa uyab-uyab,” sumala sa mayor.
Matud ni Mayor Inday nga angay usab mapasabot ang mga ginahimong mga kalingawan sama sa Miss SK ug Miss Gay.
“Ngano ta nagpa-Miss Gay makalimtan nato because we want to raise HIV awareness, nagpa-Miss SK for Teenage pregnancy awareness,” sumala niini.
Gisugyot sa mayor nga ipailawom ang mga kabatan-onan og training sa disaster preparedness ug sa first aid aron motabang diha sa ilang mga lugar.
“We need disaster people and then first aid in our respective communities particularly purok level daghan ang stroke patients, daghang cardiac arrest patients …kanang mga tao sa balay wala sila kahibalo kung unsay nahitabo sa ilang mga paryente ug sa ilang mga silingan and they do not do what to do (nga) maghulat pa og 911 and that is crucial, minutes lang na kung naa kay heart attack patients nga wala nimo ginatagaan og CPR,” matud sa mayor.
Gitataw ni Mayor Sara nga angay didto sa mututok sa butang nga makatabang alang sa mga isyu diha sa ilang mga nahimutangan isip mga bag-ong lingkod nga mga opisyales.
Mokabat sa 182 ka mga bag-ong napili nga SK chairman ug kapin kun kulang 1000 ka mga SK Kagawad sa dakbayan sa Davao ang nanumpa atubangan sa mayor atol sa Oath Taking nga gipahigayon sa Davao City Recreational Center.
Anaa usab ang presensya sa halangdon nga nila Davao City Vice Mayor Bernard Al-ag, Councilor Joselle Villafuerte, Councilor Jimmy Dureza, Councilor Danilo Dayanghirang, Congressman Mylene Garcia, Department of Public Works and Highways Secretary Mark Villar, Maguindanao 2nd District Congressman Zajid Mangudadatu, Ilocos Norte Governor Imee Marcos, National Youth Commission OIC Chairnab Ronald Cardema ug Commissionet James Ventura ug uban pa.
RadyoMaN Aimee Guinita
