Davao City – Dili na mulusad pa og sweeper flights ang City Government of Davao.
Kini sumala kang Davao City Mayor Sara Duterte tungod kay aduna nay domestic commercial flights.
“Naay Air Asia nga niabot last week and the City Government of Davao nipalit og seats. Kato na po ang last for the City Government of Davao kay duna na may resumption of commercial flights sa atoang mga airlines,” segun ni Mayor.
Matud niini nga aduna gihapuy Balik Probinsya ang national government alang sa mga locally stranded individuals.
Subay niini, gibutyag sa mayor nga wala pay nadawat nga tubag ang syudad sa national government kalabot sa pag-abli usab sa international flights sa Davao International Airport.
Dugang pa nga domestic commercial flights pa lang ang adunay pagtugot sa tulo ka mga ruta gikan Davao pa-Manila, Cebu ug Clark vice versa nga nagsugod niadtong Lunes.
RadyoMaN Aimee Guinita
