![mayor-jed](https://i0.wp.com/rmn.ph/wp-content/uploads/2017/08/mayor-jed.png?resize=671%2C479&ssl=1)
ILOILO CITY – Luyag nga mapakita ni Mayor Jed Patrick Mabilog nga ginapromote sang syudad sang Iloilo ang healthy lifestyle paagi sa pagpangako nga magabuhin ang syudad sang 10,000 pounds para malambot ang 1 million pound target nga weight loss.
Suno sa alkalde kanugon lang sang mga infrastructure kun indi mapasanyog ang mga programa sa healthy lifestyle.
Pahayag ni Mabilog pinakauna ang syudad sang Iloilo sa mga syudad nga naghatag sang ila pledge sa weight loss program nga ginapangunahan nanday Jim kag Toni Saret sang Philippine Sports Commission.
Sa idalum sang programa may ginahimo nga exercise ang mga empliyado sang syudad sa pagpamuno ni Mayor Mabilog agud makabuhin sang kabilugan nga 10,000 pounds nga ila commitment agud malambot ang national target.