SYUDAD sang Iloilo – Nagtukod si mayor Jose Espinosa III sang Local Governance Transition Team (LGTT).
Ini ang napagkit sa executive order no. 22-a series of 2019 nga ginpagwa sang alkalde sadtong Abril 2.
Katuyuan sang LGTT nga masigurado ang matalunsay nga local governance transistion sa bag-o mapili-an ukon liwat mapilian nga opisyal nga magaasumer sang pwesto sa Hunyo 30, 2019.
Kalakip sa katundanan sang lgtt amo ang pagconduct sang inventory sang propedad sang local government unit (LGU); pagtipon, pagsecure kag pagpreserve sang mga dokumento kag record sang transactions sang LGU officials kag i-turn over ang accountabilities gamit ang prescribed nga pormas.
Ini man ang maga-organize sang turn-over ceremony nga magalakip sang Governance Assessment Report kag mga alatubangon sang incoming officials sa Hunyo 30 para sa matalunsay nga leadership kag management transitions.
Ipasiguro man ang madasig nga submission sang Elective Local Official Personnel Data Sheet (ELOPDS) ang mga incoming officials nga ipasa indi maglapas ang July 8, 2019 sa Human Resource Management Office, Office of the Sanggunian kag DILG Field Office.
Chairman sang LGTT si mayor Jose Espinosa III kag mangin myembro ang tanan nga department heads kag City Department of the Interior and Local Government (DILG) Director Atty. Ferdinand Panes.
Ang LGTT ginmando sang DILG paagi sa memorandum circular no. 2019-39// via Joel Franco reports
Photo from web
