Iloilo City – Ginpanginbulahan ni Iloilo City Mayor Jose Espinosa III ang Iloilo City Police Office ukon ICPO kasunod sang pagnubo sang crime incidents sa syudad sang Iloilo.
Santo sa datos sang ICPO, nabalhag ang 48 ka crime incidents humalin sadtong Pebrero 16 tubtob 22, 2018 kon sa diin mas manubo ini sang 54.28 % ikumpara sa 105 ka crime incidents nga nabalhag sa kaangay nga tion sang nagligad nga tuig.
Suno kay Espinosa, pamatuod lang ini nga ginahimo sang mga kapulisan ang ila katungdanan agud mapabilin ang kalinong kag katawhay sa syudad sang Iloilo.
Ginahingyo naman ni Espinosa ang mga pumuluyo nga magsalig sa kapulisan sa pagpalab-ot sang mga impormasyon angot sa krimen kag padayon nga suportahan ang mga programa sang ICPO para sa kalinong kag katawhay sang syudad.
(photo from web)
