Davao City – Wala gipasagdan sa lokal nga panggamhanan ang mga na-stranded nga mga Davaoeños sa nagkadaiyang parte sa nasud.
Kini ang tubag ni Davao City Mayor Sara Duterte, sa mga kritisismo ug yangongo nga gipahungaw diha sa social media nga walay gihimo ang syudad aron makauli sila.
“We are doing something about it. Wala mi naglingkod lang diri kada adlaw, naghulat nga dunay milagro nga mahitabo sa atoang situation diri sa Davao City everyday we are trying to do something about everyone’s situation, so everyday pud nagapangayo pud mi sa inyohang pagsabot,”
Gipasabot niini nga dili sayon ug adunay mga protocols nga sundon agi’g proseso una aprobahan sa epidemiologists and infectious diseases specialists diha sa pagpapa-uli sa mga residente inig ablihan na ang Davao International Airport.
“Sunod ana, i-arrange pa nato ilahang air travel. Sunod ana atoa pang listahon kinsa tong mga mosuloday para mosakay sa airplane. Kanang ilahang ginasulti , it cannot be done in one day,”
Sumala niya, nitunol og financial assistance sa mga na-stranded sa Luzon ug Visayas gikan sa City Mayor’s Office Quick Response Team. Gipasalig sa mayor, gilayong magpahibalo ang lokal nga panggamhanan sa schedule kung aduna nay biyahe sa eroplano padulong sa Davao.
RadyoMaN Aimee Guinita
