Mayor Moreno mitambag kang Governor Emano nga mokonsulta sa iyang abogado aron masayran kon angayan bang i-demolish o dili ang mga illegal structures sa Misamis Oriental Provincial Capitol compound

25
PC: RadyoMaN Jonathan Bullo

Gitambagan ni Mayor Oscar Moreno si Governor Bambi Emano sa Misamis Oriental nga magkonsulta sa iyang abogado aron iyang masayran kon angayan bang i-demolish o dili ang mga illegal structure sa Misamis  Oriental Provincial Capitol compound.

 

Gipahayag sa mayor nga kon dili ipa-demolish sa gobernador ang mga illegal structure sa kapitolyo, sama ra nga iyang gisupak ang iyang oath of office.


 

Dugang pa sa amahan sa syudad, nga dili niya gustong lektyoran si Emano sa isyu sa Road clearing operation, kay pareho ra silang  local government  units kinsa gitahasan sa Department of Interior and Local Government nga ipatuman ang road  clearing operation, basi sa mando ni Pres. Rodrigo Duterte.

 

Subay niini,  gi-aghat ni Mayor Moreno si  Governor Emano nga iya na lamang ipa-demolish ang mga illegal structure sa kapitolyo aron iyang masunod ang mando ni Pres. Duterte, nga gipaagi sa DILG.

 

Samtang, gipasabot sa mayor nga  mas maayong dili na maghulat ni Emano sa demolisyon team sa City hall, nga maoy mo-demolish sa mga illegal structure sa kapitolyo  aron dili siya ma-insulto.

 

Dugang pa niini, nga kung ang City hall tua nahimotang sa Misamis Oriental, iya usab nga  gipanigurong iya gihapong subayon ang balaod sa Road clearing Operation.

 

Matud sa local chief Executive nga angay hinumdoman ni Emano nga pareho ra ang balaod sa lungsod, syudad ug probinsya.

Facebook Comments

From Advertisers