Nagpagawas na og official statement si Mayor Oscar Moreno kalabot sa pagkasikop sa iyang anak nga si Sean Moreno sa Angeles City, Pampanga niadtong Sabado.
Basi sa statement nga gihatag sa City Information Office via group chat, gipahayag ni Mayor Moreno nga dili lamang dugay nakadawat kini og report nga usa ang iyang anak sa walo ka indibidwal nga nadakpan sa PDEA sa Central Luzon.
Isip amahan, una niining gisiguro ang kaluwasan sa iyang anak sulod sa prisohan lakip na ang legal support alang niini.
Gikasubo usab sa mayor ang sitwasyon sa iyang anak ug apektado na usab ang iyang pamilya apan wala siya nawad-na sa paglaom nga mahatagan sa maayong kaugmaon si Sean.
Facebook Comments
