Mayor Ogena, yara sa maayo nga kondisyon, operasyon sa city hall nagapadayon.

8

Yara sa maayo nga kondisyon si Mayor Eliordo Ogena, matapos nga nagpositibo sa COVID-19 kag nakaadmitir sa subong sa ospital.
Ginpahayag ni City Health Officer Editho Vego nga gilayon man nga ginpatigayon ang contract tracing sa mga naclose contact sang alkalde kag nakapatigayon naman sang disinfection sa city hall.
Ginkumpirmar man sang city health officer nga yara sa isa ka gatos ang nacontact trace kag naimpormar na nga magpaidalom sa quarantine.
Awhag naman ni Dr. Vego sa iban nga naclose contact ni Mayor Ogena nga magpatuman gid sang home quarantine kag self-monitoring kon wala pa naimpormar.
Sa subong suno kay Dr. Vego nakaquarantine man siya, matapos nga nakaupod man niya ang alkalde.
Nagapabilin naman nga regular ang operasyon sang City Hall sang Koronadal, magluwas sa City Mayors Office kag City Population Office nga may nagpositibo man sa COVID-19 nga empleyado sini.
Samtang sa subong nagapungko nga OIC City Mayor si Koronadal Vice Mayor Peter Miguel.

Facebook Comments