Iligan City- Gipaklaro ni City Mayor Celso Regencia nga ang Bayanihan Village alang lang gayud sa mga Sendong Survivors ug dili lakip sa Evacuation Center sa mga Internally Displaced Person o IDP’s gikan sa dakbayan sa Marawi.
Kini human daw sa si City Mayor Regencia naman karon ang nahimong dautan ngadto sa mga IDP’s dihang nanggawas ang taho nga gidaug-daug sila sa nahitabong pagpang-padlock sa mgapanimalay sa Bayanihan Village.
Matud ni Regencia, walay kamatuoran ang giingong gidaug-daug silang mga IDPs tungod kaniadtu pa sa wala pa ang giyera sa dakbayan sa Marawi anaa na ang Bayanihan Village.
Dugang pa ni Regencia, dili pagdaug-daug ang iyang gihimong lakang apan nagsunod lamang siya sa balaod tungod klaro ug dayag kaayo nga illegal ang gipamaligyang panimalay sa nasangpitnga lugar.
