Hatagan ug police security ang mayor sa San Fernando nga si Lakambini Reluya sa higayon nga mobalik na kini sa iyang trabaho human mapasaka ang kaso batok sa unom ka mga suspek sa pag ambush sa ilang sakyanan.
Matud ni Police Regional Office-7 Director Debold Sinas ang San Fernando Police Station motagana ug personnel aron mobantay sa opisina ni Reluya .
Ang maong lakang gipananghid na sa PNP ngadto sa Commission on Elections kon Comelec.
Apan matud ni Sinas sa kaso ni Mayor Vicente Loot sa Daanbantayan, dili makahatag ang kapolisan ug escort sa mayor .
Kini tungod kay si Loot anaa sa listahan ni Presidente Rodrigo Duterte sa mga gilambigit sa ilegal nga drugas .
Facebook Comments
