General Santos City— Gibutyag ni Gensan City Mayor Ronnel Rivera nga klarong walay igong kapasidad ang PDEA sa paghupot sa kampanya sa illegal nga druga gumikan sa kulang nga ihap sa ilahang mga personahe.
Pamahayag niini nga dili gyud kayang tutukan sa PDEA ang tanang lambigit sa illegal nga druga hilabi na ang mga gagmay’ng nagapayuhutan. Busa kinahanglan matud pa kini nga ma-hatagan ug pagtagad sa gobyerno, kung asa gibutyag niini nga bisan unsa matud pa nga ahensya ang manguna sa kampanya bato druga, kinahanglan gyud nga suportahan.
Dugang pamahayag ni Mayor Rivera nga kinahanbglan usab nga tutukan ni Presidente Rodrigo Duterte ang isyu sa Extra Judicial Killing sa nasud nga sumala pa nagakahitabo dungan sa pagpanguna sa kapulisan sa kampanay batok illegal nga druga.
Gihingusgan man usab niini nga walay unsa mang kaso sa EJK sa dakbayan dihang ang kapulisan pa ang nanguna sa war on drugs.
