Mayor Rivera, gipaburan ang sresolusyon sa pag-extend sa term of office ni Col. Layugan

30

*DXMD, General Santos City———- Gipaburan ni GenSan City Mayor Ronnel Rivera ang naunang resolusyon nga gipasar sa hawanan sa konseho aron nga ma­extend ang term of office ni Police Senior Superintendent Maximo Layugan isip City Director sa General Santos City Police Office.*
*Sumala niya nga komportable kining makig-trabaho sa nasangpit nga opisyal gumikan na usab sa maayong koordinasyon sa lokal nga panggamhanan sa dakbayan ngadto na sa kapulisan.*
*Kahinumduman nga atol sa gihimong turn over of command sa milabay’ng Hulyo 10, gipaklaro gyud ni Mayor Rivera atol sa iyahang speech nga buot gyud niya nga malugwayan si Col. Layugan atubangan mismo ni Police Senior Superintendent Romeo Ruel Berango ug Police Chief Superintendent Cedrick train, ang Regional Director sa Police Regional Office 12 uban ang lain pang mga opisyal.*

*Gani, ang iyahang sentimyento ang posibleng nakit-an usab sa mga konsehal rason nga buot nila kining malugyanan isip City Director sa GSCPO kung asa atol sa duha ka tuig niining paglingkod isip labaw sa kapulisan sa dakbayan¸wala kini gikalambigitan nga unsa mang kontrobersiya mahitungod sa iyahang trabaho.**Apan, iyaha matud pang ginarespeto ang unsa mang desisyon sa mga tag-as nga opisyal sa kapulisan hilabi na kung gikinahanglan alang sa pagtaas sa ilahang rango ug posisyon.*
*Pag-angkon niya nga human mabutang sa posisyon si Col. Berango, iyaha nalang matud pa kining hatagan ug tsansa nga maka-serbisyo sa dakbayan higayon nga dili maprubahan sa higher headquarters ang resolusyon sa konseho.*

Facebook Comments