General Santos City- Isip pagpasalamat og sa kasaulugan sa adlawng natawhan ni Gensan City Mayor Ronnel Rivera nagpasiugda kini og usa ka boodle fight sa Gensan Public Market kaganina dungan sa pagsigurong adunay kalambuan pa nga mahitabo sa merkado publiko sa Gensan.
Nasayran nga magsaulog si Mayor Rivera sa iyahang ika 46 nga birthday ugmang adlawa ( Setyembre 1). Pamahayag sa Mayor nga giandam na ang budget alang sa wet section sa merkado sa syudad.
Alayon usab niini, ang lokal nga kagamhanan sa Gensan ang magtanyag og LIBRENG sakay sa bus og van paadto og Koronadal sa tibook adlaw sa Setyembre.
Sumala pa nga ang āLibreng Sakay Para sa mga Heneralā ang gitanyag sa mga Generals nga libre lang gikan sa Bulaong Terminal gikan alas 9:00 sa buntag hangtod na sa alas 5:00 sa hapon, on first come, first serve basis.
Ang Yellow Bus Lines, Husky Tours, og Rural Transit Bus Companies ang mohatag og 1 ka free ride kada adlaw, sulod sa usa ka bulan samtang ang Mindanao Star Bus Liner ang mohatag og 54 ka mga seats alang sa usa ka byahe sa Setyembre 1 lamang.
Kini sagad nahimo ng aktibidad alang sa kasaulugan sa adlawng natawhan sa mayor.
*Happy Birthday Mayor Ronnel!*
