General Santos City— Gipaklaro ni Gensan City Mayor Ronnel Rivera nga sa karon si Police Senior Superintendent Romeo Ruel Berango na ang City Director sa Gensan City Police Office.
Sumala niya nga magdepende na sa han-ay sa kapulisan apan iyahang gibutyag nga sila sa lokal nga panggamhanan ang walay babag sa pagbutang kaniya isip labaw sa kapulisan sa dakbayan.
Pag-angkon ni Mayor Rivera nga wala pa siya’y gihatag nga rekomendasyon alang sa permanenteng paglingkod ni Col. Berango apan iyahang suportahan ang pagbutang kaniya sa maong posisyon.
Dugang pamahayag ni Mayor Rivera nga wala siya’y nakit-ang problema sa pagdumala ni Col. Berango sa GSCPO. Gani iyahang nakita ang kadasig niini sa pagtrabaho aron nga mapabilin ang kahapsay ug malinawon ang dakbayan kung asa dili man ang mga isyung ginabato sa nasangpit ang opisyal ang iyahang ginatan-aw kundili ang pagdumala niini sa kapulisan.
Sulod matud pa sa halos lima nga kabulan niining paglingkod isip acting city director, iyahang nakita ang maayong performance ni Col. Berango.
