Anaa ra sa luwas nga kahimtang si Daanbantayan Mayor Vicente Loot human kini aksidenteng naigo sa armas sud sa sakyanan kagabii didto sa Barangay Lanao sa maong lungsod .
Si Loot anaa karon sa usa ka pribadong tambalanan , gumikan sa naangkon nga samad sa iyang walang bitiis , apan iyang gitataw nga wa maapektohi ang ugat o kaha bukog sa bala.
Ang iyang abogado nga si Atty. Russel Pernites nibutyag nga gitambagan una sa doktor ang mayor nga moistar sa tambalanan alang sa pagpaalim sa iyang samad .
Gikan si Loot sa haya sa usa niya ka supporfer ug dihang nipauli na nibalhin kini ug laing sakyanan ngadto na sa iyang security officer .
Paglingkod niini sa passenger seat wa makabantay nga nalingkuran niya ang armas ug dihang iya kining gikoot kay iyang kuhaon ,aksidente kining nakabuto ug naigo ang walang bitiis niini.
