Pahaum sa pagtimaan sa kalag-kalag nagsul-ob usab ug halloween costume si Lapulapu City Mayor Junard Ahong Chan aron suruyon ang Humay-humay public cemetery .
Gustong masiguro ni Chan ang situwasyon sa maong sam-ang aron mahimong hapsay ug pagduaw unya sa mga tawo sa adlaw sa mga santos ug kalag sa Nobyemre 1 ug 2.
Giubanan usab si Chan sa hepe sa kapolisan sa dakbayan sa Lapulapu , Police Colonel Clarito Baja ug nag-apod-apod sila ug flyers ngadto sa publiko .
Anaa sa flyers ang mga pahimangno aron makalikay ug bisan unsa nga krimen panahon sa kalag-kalag .
Naa usab ang mga pahinumduman sa mga butang nga gidili nga dalhon sa pagsud sa mga sam-ang sama sa mahait nga hinagiban, ilimnong makahubog ug ilegal nga butang .
Si Chan nakahigayon usab sa pagpanghatag ug kendi ngadto sa mga kabataan sud sa sementeryo.
