Mayor sa Mandaue City, Cebu, nitanyag ug P200,000 nga ganti alang sa tawo nga makatumbok sa mipusil-patay sa kapitan sa barangay Mantuyong.

109

Gianunsyo ni Mandaue city mayor Luigi Quisumbing nga mohatag kini og P200,000 mga ganti alang niadtong makahatag ug impormasyon nga magtumbok sa mamumuno nga nipusil-patay kang Mantuyong Barangay Captain Antonio Maquilan. Nasayran nga si Maquilan, 56-anyos, ang gipusil sa iyang walang tiil sa duha ka mamumuno nga nagsakay ug motorsiklo, kaganihang buntag. Sa pakighinabi usab sa mayor sa pamilya sa kapitan, iyang nasayran nga taod-taod nang nakadawat og hulga si Maquilan sa iyang kinabuhi, pinaagi sa text ug tawag sukad pa niadtong tuig 2016. Suma niini nga tuyo sa pagpanghulga, maoy aron makapangwarta sila sa kapitan, apan wala pa siya masayod kun duna ba’y issue ang extortion attempt. Gitug-an usab sa pamilya ni Maquilan nga wala ra panumbalinga sa kapitan ang mga nadawat niini nga hulga, ug igo ra kini niyang kataw-an. Tungod niini, nimando na si Quisumbing sa kapulisan sa pagpahugot sa police visibility sa crime scene area sa barangay Mantuyong. Gi-review na sab sa kapulisan ang CCTV footage duol sa area, lakip ang gikan sa usa ka mall nga duol sa nahitaboan.

Facebook Comments