Iligan City- Nangayo ug pasaylo si Lala Lanao del Norte Municipal Mayor Allan Lim atubangan sa mga local media human niya gipang-abog atubangan sa stage atol sa kalihukan sa alimango festival showdown kagahapon sa buntag. Atol sa press conference, matud ni Mayor Lim, kusog lang ang sound system niadtung panahona hinungdan nga daw midaku ang iyang tingog sa pagpapahawa sa mga local media ubos sa ilang lamisa tungod exklusibo kining e-cover sa national tv. Posibleng na mis-interpret lang sumala ni Lim ang iyang pagpapahawa sa mga local media niadtung tungura tungod bukas man gayud siya sa pagpa-cover sa nasangpit nga kalihukan. Apan, alang sa pipila ka mga sakop sa local media dakung bakak ang gibuhi-ang pamahayag sa mayor tungod niadtung tungura daw sa nakapangabog kini ug langaw aron ipapahawa ang mga local media ug exklusibo lamang nga ipa cover sa usa ka national TV ang showdown sa alimango festival.
